Ratnagiri Khed ke Mumbke gaon ki property ko sarkar ne SAFEMA ke antargat iss saal ki shuruaat me neelam kiya tha. Iss property ko Delhi High Court ke advocate, Bhupendra Kumar Bhardwaj ne kharida tha aur property par Sanatan dharm ke anusaar pooja path bhi karaya gaya tha.
Lekin pooja path ke dusre din hi property se rakhe gaye pooja path ke saaman, jisme hawan kund, steel plate, samai sahit lagbhag Rs 9,400 ki dharmik samagri, chori ho gayi.
Ratnagiri Khed Police station me 26 March ko chori ka mamla darj kiya gaya hai aur police iss mamle ki jaanch kar rahi hai.