Vimal Elaichi Ad Par Maharashtra FDA Ke Notice Ke Khilaf Ajay Devgn Bombay High Court Pahunche.
Bollywood actor Ajay Devgn ne Vimal Elaichi ke ad ko lekar Maharashtra FDA ke show-cause notice ko Bombay High Court mein challenge kiya hai.
FDA ka aarop hai ki Vimal Elaichi ke ad ke zariye Maharashtra mein banned Vimal Pan Masala ka indirectly promotion kiya ja raha hai.
Ajay Devgn ne apni yachika mein kaha hai ki notice company ke bajaye unhe actor hone ki wajah se diya gaya hai. Shah Rukh Khan aur Tiger Shroff ko bhi isi maamle mein notice diya gaya tha.
FDA ne teeno actors ke khilaf jaanch poori kar li hai aur ab maamla adjudication ke liye bheja jayega.
Batadein,Bombay High Court mein Ajay Devgn ki yachika par 4 November ko sunwai hone ki sambhavna hai.
