Ashleel Video Se Blackmail Karke 4 Crore Ki Khandani Vasoolne Wali Mahila Arrest, Crime Branch Unit 7 Ki Karwai

Ashleel Video Se Blackmail Karke 4 Crore Ki Khandani Vasoolne Wali Mahila Arrest, Crime Branch Unit 7 Ki Karwai

Mumbai ke Ghatkopar mein ek jewellery shop ke manager ko WhatsApp par ashleel video chatting ke zariye blackmail karke lagbhag 4 crore rupaye vasoolne ke aarop mein Crime Branch Unit 7 ne ek mahila ko arrest kiya hai.

Police ke mutabik, mahila ne video viral karne aur badnaam karne ki dhamki dekar paise vasool kiye. Iske baad bhi aur paison ki demand ki aur paise nahi dene par haath-pair todne aur jaan se maarne ki dhamki di.

18 October 2026 ko Crime Branch Unit 7 ne Ghatkopar West ke R.K. Restaurant mein mahila ko 7 lakh rupaye ki khandani lete hue range haathon pakda.

Ghatkopar Police Station mein BNS Sections ke tehat case darj kiya gaya hai.

Yeh karwai Crime Branch Unit 7 ki team ne ki, jisme Senior Police Inspector Anil Dhole, Police Inspector Pradeep Sarfare, Assistant Police Inspectors Dhanaji Sathe, Mahesh Shelar, Police Sub-Inspectors Ajay Golhar, Namdev Parabalkar shamil the.

Iske alawa Police Havaldar Galande, Jadhav, Raut, Honmane, Patil, Police Constables Sawdekar, Gore, Mahila Police Constables Shinde, Mayekar aur Balasaheb Kawade bhi is karwai mein shamil the.