4.5 Lakh Worth MD Drugs Seized; Drug Peddler Arrested By Oshiwara Police
4.5 Lakh Worth MD Drugs Seized; Drug Peddler Arrested By Oshiwara Police
View this post on Instagram
Mumbai ke Oshiwara ilake mein narcotics ke khilaf chalaye ja rahe campaign ke tehat police ko ek badi kamyabi mili hai. Oshiwara Police ne karwai karte hue MD drugs ke sath ek yuvak ko hirasat mein liya hai. Police dwara ki gayi is karwai mein kul 45.20 gram MD drugs baramad ki gayi hai, jiski market value karib 4 lakh 52 hazar rupaye batayi ja rahi hai.
Oshiwara Police dwara darj FIR ke anusar, 25 January 2026 ko dopahar karib 3.30 baje Oshiwara area mein suspicious activities ki information mili thi. Information ke adhar par police team ne mauke par pahunchkar nigrani shuru ki aur ek yuvak ko shaq ke adhar par roka. Rules ke mutabik ki gayi talashi ke dauran uske paas se plastic bag mein rakhi gayi MD drugs baramad hui.
Is case mein police ne Abubakar Shokat Qureshi alias Abu, umra 27 saal, ko hirasat mein liya hai. Police ke anusar, puchtach ke dauran aaropi ke paas se 45.20 gram MD drugs payi gayi.
Oshiwara Police Station ne NDPS Act 1985 ki Section 8(c) aur 21(b) ke tehat case darj kiya hai. FIR darj hone ke baad mamle ki janch official taur par shuru kar di gayi hai. Police yeh pata laga rahi hai ki aaropi ke paas yeh MD kahan se aayi aur kya iske peeche koi bada network shamil hai.
Yeh poori karwai aur janch Mumbai Police Commissioner, DCP Zone 9 Dikshit Gedam, Oshiwara Police Sr PI Sanjay Chavan, aur PI (Crime) Sachin Patil ke leadership mein aage badhayi ja rahi hai. Janch team mein API Sandeep Patil, Head Constable Anant Par, tatha Police Constable Siddharth Bhandari, Jagdale, Rahul Patil, Sonu Patil, Vitthal Sakat, Ajit Bhangad aur Vinod Rathod shamil hain.
