Borivali Mein ₹7.88 Crore Ke Sone Ki Badi Chori, Duplicate Chabi Se Khula Shop Ka Tala
Borivali Mein ₹7.88 Crore Ke Sone Ki Badi Chori, Duplicate Chabi Se Khula Shop Ka Tala
View this post on Instagram
Borivali ke ek jewellery shop My Gold Point mein ₹7.88 crore ke sona aur mehengi jewellery ki badi chori ka maamla saamne aaya hai. Choron ne shop ka tala todne ke bajay duplicate chabi ka use karke entry li, jis wajah se shuruaat mein kisi ko tod-phod ka shak nahi hua.
Jab shop kholi gayi to andar se kareeb 5 kilo sona aur jewellery gayab thi. Investigation mein pata chala ki lock bilkul safe tha, jisse clear hua ki duplicate key ka istemal hua hai.
Police ne CCTV footage, technical analysis aur local inputs ke basis par investigation shuru ki. Kareeb 48 din ki talash ke baad 4 aaropiyon ko giraftar kiya gaya.
Bataya ja raha hai ki aaropi Rajasthan tak bhaag gaye the, jahan se unhe pakda gaya. Police ne ab tak lagbhag ₹4.65 crore ke jewellery items recover kar liye hain. Baaki maal ki talash abhi bhi jaari hai.
