Gujarat Se Mumbai Aa Raha ₹2 Crore Ka Avaidh Gutkha Zapt, Samtanagar Police Ki Badi Karwai
Gujarat Se Mumbai Aa Raha ₹2 Crore Ka Avaidh Gutkha Zapt, Samtanagar Police Ki Badi Karwai
Mumbai aur poore Maharashtra mein gutkha par poori tarah se pabandi hone ke bawajood Gujarat aur dusre rajyon se rozana 10 se 20 truck aur container illegal gutkha Mumbai laane ka silsila jaari hai
ek badi karwai mein Samtanagar Police ne Gujarat se Mumbai aa rahe ek container ko pakda, jisme lagbhag ₹2 crore ka avaidh gutkha bhara hua tha.
Police ko tip mili thi ki Gujarat se ek container poori tarah se ban kiye gaye branded gutkha lekar Mumbai aa raha hai.
Soochna milte hi Samtanagar Police ne bina deri kiye police station ke paas hi MH 43 BG 4150 number ke container truck ko roka aur jaanch shuru ki. Container kholne par usme Vimal, Rajnigandha, 00, Ramnivas, Rajshree, RMD 00, Signature 00, Kamla Pasand jaise kai pratibandhit gutkha brands bhari matra mein mile. Gutkha ko alag-alag boriyon mein chhupa kar rakha gaya tha.
