JJ Hospital Mein Doctors Ki Safety Ke Liye Ab Daily Police Patrolling Shuru Ki Jayegi
Kolkata Mein Mahila Doctor Ke Sath Hue Rape Aur Murder Case Ke Baad Poore Desh Mein Residential Doctors Ki Safety Par Sawal Uthne Lage.
View this post on Instagram
Mumbai Mein JJ Hospital Ke Doctors Ki Safety Aur Security Ke Liye Mumbai Police Ab Hospital Premises Mein Daily Patrolling Shuru Karegi, Yeh Bataya South Mumbai Ke Additional Commissioner of Police Dr. Abhinav Deshmukh Ne.
J.J Hospital Mein Dean Dr. Pallavi Saple Aur Additional CP Abhinav Deshmukh Ke Sath Haal Hi Mein Meeting Hui Thi. Iss Meeting Mein Medical Superintendent Dr. Sanjay Surase Ke Sath Medical Officer, Security Committee, Chief Of Maharashtra Security Force, Representatives Of MARD Organization, Officials Of Public Works Department, Electricity Department Aur Police Officers Bhi Maujood The.
Meeting Mein Hospital Ke Doctors Ki Safety Aur Security Par Baat Ki Gayee, Jisme CCTV Cameras, Panic Alarms, Identity Cards Jaise Mudde Par Charcha Hui.
