Makkah Region Mein Heavy Rain Alert, Kaafi Ilaakon Ko Caution Par Rakha Gayam
Makkah Region Mein Heavy Rain Alert, Kaafi Ilaakon Ko Caution Par Rakha Gayam
View this post on Instagram
Saudi Arabia ke National Center for Meteorology (NCM) ne Makkah region ke kai ilaakon ke liye heavy rain aur thunderstorms ka alert jaari kiya hai. Is alert me kaha gaya hai ki kuch jagahon par bijli chamakne, tez hawa chalne, hail (ole) padne aur flash-floods ka risk ho sakta hai. Civil Defence ne logon ko strictly caution follow karne ko kaha hai.
NCM ke mutabik, jin governorates ko alert me rakha gaya hai unme shamil hain:
Makkah city, Jeddah, Rabigh, Khulais, Al-Kamil, Al-Jumum, Taif, Maysan, Adham, Buhra, Al-Lith, Al-Qunfudhah, Turbah, Al-Ardiyat, Al-Muwaih aur Al-Khurmah.
In sab areas me agle kuch dino tak moderate se heavy rainfall aasakti hai.
Abhi tak kisi bhi agency ne confirm nahi kiya hai ki “kis area me bijli gir chuki hai”, lekin alert me clear likha hai ki thunderstorms expected hain, jisme naturally lightning ka chance high hota hai. Isliye authorities ne residents ko flooded roads, low-lying areas, wadiyon aur dangerous slopes se door rehne ki salah di hai.
Civil Defence ne yeh bhi kaha hai ki log unnecessary travel avoid karein, aur weather updates par nazar banaye rakhein, kyunki badal kaafi heavy ho sakte hain aur mosam achanak badal sakta hai.
Agar baarish ya storm shuru hota hai, to sabse important safety steps hain:
ghar ke andar rehna, electric poles ke aas-paas na jaana, aur kisi bhi flood-prone road ko cross nahi karna.
Makkah aur aas-paas ke logon ko kaha gaya hai ki wo umbrella, raincoat sath rakhein aur zaroorat ho to hi bahar niklein, kyunki ye pura week mosam unstable rehne ka chance hai.
