Mumbai Antop Hill Mein 9th Floor Ki Chhat Par Pahunche 21 Saal Ke Yuvak Ki Police Ne Bachayi Jaan
Mumbai ke Antop Hill ilaake ke Bengalipura K Nazdik Building mein 25 October ki raat ek 21 saal ka yuvak building ki 9th floor ki chhat ke kinaare pahunch gaya tha.
Police ke mutabik, maa-baap se jhagda hone ke baad yuvak kaafi pareshaan tha.
Raat lagbhag 8:10 baje jaankari milte hi Antop Hill Police Station ki Inspector Archana Patil aur unki team turant mauke par pahunchi.
Police ne yuvak ko samjhaya aur badi soojhboojh se use surakshit neeche utaarkar uski jaan bachayi.
Baad mein police ne yuvak aur uske parents ko bhi samjhaya.
Antop Hill Police ki timely action aur samajhdari se ek bada haadsa tal gaya aur kisi ki jaan bach gayi.
