Shilpa Shetty Ke Ghar Pahunchi Mumbai Police — 60 Crore Ke Fraud Case Mein 4.5 Ghante Chali Poochtaach
[ads]
Mumbai Police ki Economic Offences Wing (EOW) ne aaj actress Shilpa Shetty ke ghar pahunchkar unse lagbhag 4 ghante 30 minute tak poochtaach ki.
Is dauran Shilpa ne apni advertising company ke bank transactions aur documents EOW team ko saunp diye.
Yeh mamla Best Deal TV Private Limited se juda hai — ek company jo ab band ho chuki hai.
Shikayat UY Industries ke director Deepak Kothari ne darj karayi thi, jin ka aarop hai ki 2015 se 2023 ke beech Shilpa Shetty aur Raj Kundra ne unhe investment ke liye uksaya, jisse ₹60.4 crore ka fraud hua.
EOW ne is mamle mein FIR darj kar li hai, aur September mein dono ke khilaf lookout notice bhi jaari kiya gaya tha.
Ab department company ke financial records aur transactions ki gehrai se jaanch kar raha hai.
Related
