Tanker Strike Ka Asar, Housing Societies Se Railway Stations Tak Paani Ki Killat
Mumbai mein Water Tanker Strike ke pehle hi din paani ka sankat gahra gaya hai. City ke kai housing societies, commercial establishments aur railway terminals par paani ki kami dekhne ko mili, jabki tanker rates mein bhi zabardast badhotri ho gayi hai.
Andheri, Lokhandwala, Malad, Malvani, Kurla-Sakinaka aur South Mumbai ke kai areas tanker water par depend hain.
Lokhandwala ki ek society ko 10,000 litre tanker ke liye ₹5,500 chukane pade, jabki aam taur par ₹4,000 mein 20,000 litre tanker mil jata tha.
South Mumbai ke Cuffe Parade area mein bhi kai societies ko paani ki supply maintain karne mein mushkil ho rahi hai.
Mumbai Water Tanker Association ka kehna hai ki Central Ground Water Authority (CGWA) ke NOC aur licensing rules ke implementation se operators par pressure badh gaya hai.
Association ne saaf kaha hai ki jab tak unki demands par written assurance nahi milta, strike jaari rahegi.
