5% Muslim Reservation par 9 March ko sunwai karega Bombay High Court
Bombay High Court 9 March ko us petition par sunwai karegi, jisme Maharashtra sarkar ke 5% Muslim reservation khatam karne ke faisle ko challenge kiya gaya hai.
Yeh reservation education aur sarkari naukriyon mein diya ja raha tha. 17 February 2026 ko state government ne ek Government Resolution (GR) jari karke ise radd kar diya.
Is faisle ke khilaf advocate Syed Ejaz Abbas Naqvi ne court mein petition daakhil ki hai. Petition mein kaha gaya hai ki sarkar ka yeh kadam galat, pakshpaatpoorn aur samvidhan ke khilaaf hai. Ismein yeh bhi bola gaya hai ki yeh decision bina kisi sahi wajah ke liya gaya.
Petitioner ne court se maang ki hai ki is GR ko radd kiya jaye aur tab tak ke liye is par rok lagayi jaye jab tak poori sunwai na ho.
Follow Us
