Dongri ke Faisal Javed Shaikh ko NCB ne kiya PIT-NDPS ke tehat jail transfer – Mumbai Police ne MCOCA Act bhi lagaya
Dongri ke Faisal Javed Shaikh ko NCB ne kiya PIT-NDPS ke tehat jail transfer – Mumbai Police ne MCOCA Act bhi lagaya
Mumbai mein narco-crime ke khilaf ek badi karwai karte hue, NCB ne Dongri ke Faisal Javed Shaikh ko PIT-NDPS Act, 1988 ke tehat preventive detention mein liya hai.
View this post on Instagram
Advertisement
Usse 20 May 2025 ko Mumbai Central Jail se Chennai ke Puzhal Central Jail transfer kiya gaya hai.
Faisal Shaikh par pehle se hi teen NDPS cases registered hain jisme mephedrone aur cocaine jaise narcotics ki badi quantity ka recovery hua hai:
68 grams mephedrone (2017)
20 kilograms mephedrone (2023)
940 grams cocaine (2024)
Uske khilaf Mumbai Police ne MCOCA Act bhi lagaya hai. NCB ne uski properties, cash, gold aur silver milakar total ₹6.40 crore ki assets freeze ki hain. Intelligence reports ke mutabik, Faisal ke international drug rackets se bhi link hain.
NCB officials ke mutabik, Faisal ke organized crime syndicates ke saath strong link hai aur uska bar bar drugs ke kaarobar mein involve hona, Mumbai mein uski operational power ko disrupt karne ki zarurat ban gaya tha.
The Prevention of Illicit Traffic in Narcotic Drugs and Psychotropic Substances (PIT-NDPS) Act.
PIT-NDPS Act 1988 ek preventive detention law hai jo India mein drug trafficking ke roots tak pahuchne ke liye banaya gaya tha.
Iska main maksad yeh hai ki kisi insaan ko drug-related crime commit karne se pehle hi roka jaa sake, agar uski suspicious activity aur connections clear hain.
NCB ne is case ko example batate hue kaha ki Drug Free India ka mission tabhi possible hai jab aise high-risk individuals ke against timely aur strict action liya jaye.
NCB ne logon se appeal ki hai – agar aapko kisi bhi illegal drug sale ke baare mein info ho, toh aap MANAS-National Narcotics Helpline 1933 par call karke anonymous tip de sakte hain. Aapki pehchaan secret rakhi jayegi.
