Nakli Milk Racket Ka Bhandaphod! Amul Aur Gokul Ke Doodh Mein Ganda Pani Mila Kar Bechne Wala Aaropi Girftar
Mumbai Crime Branch ki Unit-12 ne Dahisar East mein ek bade milk adulteration racket ka bhandaphod karte hue ek aaropi ko giraftar kiya hai.
Aarop hai ki woh Amul aur Gokul jaise branded milk packets ko kaatkar unmein ganda aur sehat ke liye hanikarak pani mila kar dobara seal karke asli doodh ke naam par bechne ki taiyari kar raha tha
Raid ke dauran police ne 470 litre milawat wala doodh (lagbhag ₹29,750 keemat), 327 fake empty Amul Gold, Amul Taaza, Amul Buffalo aur Gokul milk pouches, doodh mein milawat karne ka samaan aur ek mobile phone jabt kiya. Kul jabt muddemaal ki keemat ₹39,750 batayi gayi hai.
Yeh operation Mumbai Police Commissioner Deven Bharti, Joint CP (Crime) Anil Kumbhare, Additional CP (Crime) Krishnakant Upadhyay, DCP (Detection-1) Navnath Dhawale, ACP Ravindra Adane ke margdarshan mein Senior PI Sandeep Yede-Patil, PI Balasaheb Raut, PI Pooja Khandekar, PI Vijay Raskar, API Sameer Mujawar, API Yuvraj Chavan, PSI Kiran Kote, PSI Ajay Sawant aur Crime Branch Unit-12 ki team ne FDA Food Safety Officer Tushar Pandurang Shelke aur unki team ke saath milkar anjaam diya.
